السلام عليكم ورحمة الله وبركاته
إني مقهووووورة واااااااااااااااايد ....و أنا اكتب هاه الموضوع من قهر ... صار لي موقف كنت بموت من الصياح ....
تخليوا كنت رايحة معهد الهناء طبعا أظني الكل يعرفه ... مشهور بس والله كنت رايحة حصة فيزياء ... لما خلصت طبعا اتصلت اخوي عشان ياخذني ... كنت واقفة اترى أخوي عند البوابة ... طبعا كنت داخل .. فسيارة مرة كان فيها شباب .. و أنا كنت مو مهتمه سيارات تمر و تروح و كان عقلي مكان ثاني ... و سياة مرت مرة ثانية و أنا ما كنت مب حاسة كنت في عالم ثاني و بعدين بعد مرة سيارة الشباب و سوالي بيباي .. بعدين بطلت عيني استوعبت إنه سيارة تمر كمن مرة ...
مرة أولى كان ألي سوق يطالعني و يبتسم ... ومرة ثانية كان ربيعه ألي يالس عداله ... ترى لما يلف لفه على معهد يكون على صوب ربيعه معهد و ياخذون لفه عشان أيي دور ألي سيوق ..و الله حراام عليهم أنا ياية اتعلم مب يايه أغازل ... شو يبون من بنية محتشمة ... لا قصة و لا ميكب ... كنت خايفة واااااااااااااايد .... لما مر مرة رابعة ببتسامه عريضة عطيته نظرات حارة و رحت مكان ثاني ... والله مب حالة كنت ميته زياغ ....عقب يا أخوي و ركبت ... كان ويهي متغير شوية من خوف قالي أخوي في شي ... قلتله لا ... ما فيني مشاكل ... والله خافوا ربكم ... البنية مب لعبة بأيديكم ... والله قمت أخاف من أي شاب أجوفه .... والله الليلة ما نمتها ... تميت أفكر و أصيح .. ميت من زياغ ...
موضوع: ليش البنية لعبة بأيدك 
السبت أكتوبر 25, 2008 4:37 am
