باع حبي بعد ما اوهمني انه اشتراه
سلمت له قلبي وخليت مفتاحه معاه
كنت انا احبه والله وميت في هواه
كان انا حبي نجمه تشع في سماءه
باع حبي بالرخيص بعد ماكان اشتراه
كم خدعني في كلامه معسول الشفاه
لا تضن الي بايع حبيبه باجر يشتريه
والي تراك اليوم بعته اكيد باجر ترتجيه
بايجي لك يوم ماتلاقي غطاء ترتديه
بس خلاص عافك الخاطر وحبك انا مابيه
بايع الحب = بايع الحب
مادري بان الحب مشاعر واحساس
فكر بان للحب مدارس ودفتر وكراس
بايع الحب عندالبشر صاراخس الناس
بايع الحب بين الناس واطي الراس
الحب في قلبي له بيرق ونبراس
بس انت الحب عندك بالقدم ينداس
ماتعرف الحب وما عندك أحساس
الحب غالي وما امنحه الا لغالي من الناس
اسقيتك الشهد وحطيتك على الراس
واسقيتني العلقم والمر ملئ الكاس
بايع الحب =بايع الحب
بايع الحب خاف الله بحبيبك كم جرحته
كم خدعته وكم انته بحبك وهمته
كم عطاك الحب وانته كم خذلته
كم تمناك كل ليله وانت كم ليله هجرته
كنت بالامس انته سبب فرحته
وصرت هاليوم انته من سيل دمعته
كم تعذب عشانك وانته مارحمته
كم قلبه سامحك وانت ما تستاهل بسمته
بايع الحب باعني بعدماعشقته
اقولها له اليوم ويسمعها ليتني ماعرفته
ودمتم على الحب والخير
موضوع: باع حبي بعد مااوهمني انه اشتراه!! 
الخميس أكتوبر 23, 2008 1:26 pm
